Todalas entradas de Terrasenamos

Arriar o Bloqueo para ocupar Cuba por outros medios, proposta de Hillary Clinton na Florida

Deixa o teu comentario.

Adela Roade – Terra Sen Amos
Arriar o inútil Bloqueo a cambio dunha ocupación efectiva de Cuba por outros medios. Esa foi o argumento central da pre-candidata demócrata Hi­lla­­ry Rodham Clinton no seu discurso na Florida. O valor máis firme do Partido Democrata para a Casa Branca, apareceu en titulares en todo o mundo, mentres a  idea básica de reforzar a intervención norteamericana en Cuba mediante unha relación aberta, deixouse nun segundo plano ou foi silenciada. O seu discurso comezou con vítores a Mirian Leiva, fundadora das Damas de Blanco. A seguir, Hillary Clinton fixo as seguintes afirmacións: 1 Non se pode manter por máis tempo unha política fracasada (o Bloqueo) e compre cambiar para axudar ao pobo cubano. 2 Non podemos confiar nun goberno que viola diariamente os Dereitos Humanos. 3 A nosa politica de aillar Cuba fortalecía as farpas de Castro e malbarataba o noso devezo de restablecer o liderado dos EUA en todo el hemisferio mentres eles podian culpar ao Bloqueo de todos os males.

As Damas de Blanco, pagadas por EUA, son para Hillary Clinton o abrente das liberdades que promete a Cuba.
As Damas de Blanco, pagadas por EUA, son para Hillary Clinton o abrente das liberdades que promete a Cuba.

Seguir lendo Arriar o Bloqueo para ocupar Cuba por outros medios, proposta de Hillary Clinton na Florida →

A desavinza entre Estados Unidos e Cuba non procede da Guerra Fría

Deixa o teu comentario.

Angel Guerra Cabrera – La Pupila Insomne (Edición de TSA)

Repiten os noticiários que a desavinza entre Estados Unidos e Cuba é unha das derradeiras leas da Guerra Fría. Non é certo: a deboura entre os dous paises ten a súa orixe na arrogancia colonial dos EEUU. Non comezóu coa Revolución cubana. En 1823, o Presidente James Monroe presentou a chamada Doutrina Monroe, resumida na proposta América para os norteamericanos. Procede do estatista John Quincy Adams, autor tamén da líña de política exterior do governo de Washington con Cuba, coñecida como política da Froita Madura: Cuba, separada de España, terá de gravitar para a Unión pola súa importáncia maior para os nosos intereses políticos e comerciais“, proclamaba Adams.

A política da tranca de Wilson é ben anterior á Guerra Fria
A política da tranca de Wilson é ben anterior á Guerra Fria

Seguir lendo A desavinza entre Estados Unidos e Cuba non procede da Guerra Fría →

A Francisco Villamil celebra en Compostela o 62 aniversario do asalto ao Moncada

Deixa o teu comentario.

TSA – SantiagoCompostela
Organizado polo Consulado de Cuba e a Asociación de Amizade Galego-cubana Francisco Villamil, 26 de xullo celebrouse en Santiago de Compostela a tradicional festa de aniversario do asalto ao cuartel Moncada. O acto, no que participou un centenar de persoas, galegos e cubanos residentes en Galicia, tivo un apartado de carácter político, coa intervención de Valentín Alvite Gándara, presidente da Francisco Villamil. Citando a John Kennedy, que definiu o réxime de Batista como “unha das ditaduras máis sanguinarias de Latinoamérica”, rebateu os intentos dalgúns opositores cubanos de falsear a historia, defendendo supostos aspectos positivos daquel período tiránico.
A Cónsul cubana, Laura Urra, centrou o seu discurso na transcendencia do restablecemento das relacións diplomáticas con EE UU, pero insistiu na continuación da loita pola fin do bloqueo e a devolución da base de Guantánamo.

panorámica todos1 grupo1

Seguir lendo A Francisco Villamil celebra en Compostela o 62 aniversario do asalto ao Moncada →

O presidente de Venezuela celebra o 62 aniversário do Moncada nunha carta de parabéns a Fidel

Deixa o teu comentario.

O presidente da República Bolivariana de Venezuela, Nicolás Maduro, enviou unha carta ao líder histórico da Revolución cubana, Fidel Castro, co gallo do 62 aniversário do asalto aos cuarteis Moncada e Carlos Manuel de Céspedes, 26 de xullo de 1953. “Transcorreron xa 62 anos dos asaltos ao Cuartel Moncada e ao Cuartel Carlos Ma­nuel de Céspedes e, con todo, hoxe máis que nunca sentimos, Comandante Fi­del, a chama viva de liberación que ardeu ese día en toda Nosa América e para alén, indicando un camiño que seguiron xa varias xeracións: un camiño que anda e seguirá andando”, di o presidente Maduro na súa misiva.

Imaxe dunha recente visita do presidente Maduro a Fidel.
Imaxe dunha recente visita do presidente Maduro a Fidel.

Seguir lendo O presidente de Venezuela celebra o 62 aniversário do Moncada nunha carta de parabéns a Fidel →

O Padroado da Fundación Curros, honra a memoria da emigración galega en Cuba

Deixa o teu comentario.

Redacción de TSA
O Centro Unión Ourensá da Habana, fundado por emigrantes en 1909, recebeu o trixésimo primeiro premio “Celanova, Casa dos Poetas”, fallado dia 20 en Celanova na asemblea anual do Padroado da Fundación Curros Enríquez. O Padroado valorou o patriotismo do centro, expresado no seu compromiso coa língua e a cultura de Galiza, e en particular na súa fidelidade á figura de Manuel Curros Enríquez. O premio distingue tamén a vontade dos traballadores emigrantes a prol dunha Galiza gobernada de seu e a súa contribución a identidade galega representada en institucións básicas para o país enviadas dende Cuba, coma cadros políticos e fondos para as sociedades agrarias, o finanzamento da prensa agrarista, republicana e nacionalista, o primeiro plano escolar, a bandeira, o himno a Academia da Língua e a fundación de 75 publicacións periodicas galegas en toda a illa. Na vela incesante do Centro pola identidade e a cultura do País, o Padroado cita a recente posta en marcha dun obradoiro de cultura galega que leva o nome de Manuel Curros Enríquez.

Asemblea recente do Centro Unión Ourensá, celebrada no salón de hnra do histórico Centro Galego da Habana
Asemblea recente do Centro Unión Ourensá, celebrada no Salón de Honra do histórico Centro Galego da Habana

Seguir lendo O Padroado da Fundación Curros, honra a memoria da emigración galega en Cuba →