Todalas entradas de Terrasenamos

Cristina Escobar, da TV Cubana, recomenda mellor información para combater a mentira

Terra  Sen Amos – Redacción

Máis e mellor información como remedio para acabar coa mentira e a manipulación e autocrítica para mellorar a prensa de Cuba. A proposta é da xornalista cubana Cristina Escobar, presentadora de “Mesa Redonda”, un programa de enorme audiencia internacional e nacional da TV Cubana, que manterá en Vigo e Compostela debates abertos, os vindeiros dias 26 e 27, invitada por “Cubainformación TV” e o Movimento de Solidariedade con Cuba. O seu calendário de conferencias en Galiza foi organizado pola Asociación de Amizade Galego-Cubana “Francisco Villamil”. A intervención en Vigo, será xoves 26 na Libraría Andel (Camelias 102) ás 8 do serán; a de Compostela, está programada para venres ás 7 do serán no Centro das Asociacións (antiga estación de Cornes – rúa Manuel Beiras, en  Conxo) Escobar recomenda intervir nos foros de internet para desmentir todas as manipulacións e falsidades lanzadas a diario contra Cuba. A xornalista naceu en 1987, formouse na prestixiosa Faculdade de Xornalismo da Habana (promoción de 2011) e coida que a Prensa cubana precisa cambios. “Iso non é secreto para ninguén -comenta nunha recente entrevista con Hedelberto López Blanch, no sitio “Réplica”- pois a xente da miña xeración formouse cunha filosofía de praza sitiada, co critério de reservarmos os nosos erros para non seren usados contra nós, mais, na experiéncia dos últimos meses, vemos que non acontece tal. Publicamos máis que nunca os nosos problemas e deficiéncias e non pasa ren. Coido que debemos expor máis, con maior fondura, e iso implica cambios na prensa xa que até o de agora os cambios foron epidérmicos”.

Escobar falara 26 en Vigo e 27 en Compostela.
Escobar falara 26 en Vigo e 27 en Compostela.

O Ateneo Ferrolán mostra nun congreso o feito Galego-Cubano

Valentin Alvite – Ferrol
O Congreso Cuba-Ferrol-Galiza celebrado nos días 13, 14 e 15 de novembro no Ateneo Ferrolán, mostrou as relacións e interferencias de dúas culturas situadas en distantes extremos do Atlántico. No acto de inauguración, o alcalde da cidade, Jorge Suárez, dirixiulle un saúdo ao público asistente e a seguir, o Cónsul Xeral de Cuba en Galicia, José Antonio Solana, neto de galegos, fixo unha breve exposición sobre a presenza dos nosos compatriotas no seu país. A conferéncia inaugural foi de Xosé Neira Vilas, investigador da historia, a cultura e a sociedade galego-cubana. O escritor situou grosso modo o período de emigración a Cuba entre 1870 e 1930. Mostrando un coñecemento exhaustivo, expuxo algunhas notas biográficas sobre unha extensa listaxe de galegos e galegas que tiveron unha relevante participación na vida económica, cultural e política da Illa. Comezou citando algúns dos galegos que, a partir de 1868, data da primeira insurrección anticolonial, participaron do lado cubano na loita pola independencia da Illa, entre os que destacou Francisco Villamil. A súa navegación histórica finalizou coa alusión a Sindo Seixido, mecánico inventor, en 1964, da primeira máquina recolectora de cana de azucre, denominada “Libertadora”. Ao acto, asistiu un numeroso público e concluíu cun animado coloquio.

Neira Vilas contóu o compromiso emigrante na Revolución Cubana. Acompáñao na foto o presidente do Ateneo Ferrolán, Eliseo Fernández.
Neira Vilas contóu o compromiso emigrante na Revolución Cubana. Acompáñao na foto o presidente do Ateneo Ferrolán, Eliseo Fernández.
O Cónsul Xeral de Cuba, José Antonio Solana, intervén na inauguración do Congreso. A súa beira, o Alcalde de Ferrol.
O Cónsul Xeral de Cuba, José Antonio Solana, intervén na inauguración do Congreso. A súa beira, o Alcalde de Ferrol.

Seguir lendo O Ateneo Ferrolán mostra nun congreso o feito Galego-Cubano

“En Cuba non temos feminicidios por efecto da Revolución” (Mariela Castro)

Resumen Latinamericano – Terra Sen Amos
“En Cuba non temos feminicidios. Porque Cuba non é un país violento e iso si qué é un efecto da Revolución”, di Mariela Castro Espín nunha entrevista realizada por Lucia Álvarez para Resumen Latinoamericano. A directora do Centro Nacional de Educación Sexual de Cuba (CENESEX) coida que o feito de estaren as mulleres organizadas na Revolución “dá moita forza: hai moitas campañas, programas de televisión, de radio, espacios científicos; traballamos polo empoderamento e hoxe somos o terceiro ou cuarto país con maior presenza de mulleres no Parlamento; medrou o número de graduadas universitarias e temos paridade salarial dende 1959”. Sobre os atrancos no camiño, a responsábel do CENESEX di que os principais foran “os prexuizos que aprendimos dos nosos ancestros españois e dos africanos tamén e dos que estaban no mundo enteiro. Eses lugares comúns estorbaban para a definición dunha política clara. Había reflexións mais non propostas. A sexualidade estivo decote marcada polas relacións de poder e por ideas, leis, doutrinas basadas nesas relacións. Cómo cambiar ese modelo non sempre foi claro mais agora a cada é máis evidente. O noso enfoque a enfoque da educación sexual procura amosar como se foi criando esa diferenza en detrimento de outras identidades de xénero e sexo.

Mariela Castro é filla de Raúl e de Vilma Espín e dirixe o CENESEX dende hai quince anos.
Mariela Castro é filla de Raúl e de Vilma Espín e dirixe o CENESEX dende hai quince anos.

Seguir lendo “En Cuba non temos feminicidios por efecto da Revolución” (Mariela Castro)

Diálogo en igualdade cos EUA, vitoria de Cuba inédita nas Américas

René Vázquez Díaz – Cubadebate

Nacendo a República de Cuba eivada e maltreita polos Estados Unidos, entre xurdíos parlamentos pronunciados na Habana, vinte de maio de 1902,  salientan dúas frases de William Jennings Bryan, populista do Partido Demócrata e membro (xunto a Mark Twain) da entón chamada Liga Antimperialista:
“Fíxonos Deus veciños: fáganos amigos a Xustiza”.
Como César Vallejo escribira nun poema famoso, isto non foi posible. Ondea hoxe na Habana a bandeira de Estados Unidos e, por primeira vez na historia de  ambos países, ábrese a posibilidade real dun futuro de boa veciñanza. Tanto en maio de 1902 como en xullo de 2015, a clave do fracaso ou éxito desas relacións, é a Xustiza.
Mal que o recache a poderosa prensa occidental, Cuba obrigou Estados Unidos a negociar. Ese diálogo en igualdade, atinxido a un prezo tan alto e sacrificado para o pobo cubano, é unha vitoria inédita na historia das Américas. Un dos obxectivos do bloqueo fora evitar justamente o que agora sucede: o diálogo en bases soberanas. No pasado, cando Estados Unidos e seus aliados falaban de “diálogo” con Cuba, o que de verdade querían, era impor as condicións da capitulación cubana, que queiras que non. Nisto fracasaron.

O establecemento da embaixada de Cuba en Washington, foi acompañado de mostras de apoio,
O restablecemento da embaixada de Cuba en Washington, foi acollido con mostras de apoio,

Seguir lendo Diálogo en igualdade cos EUA, vitoria de Cuba inédita nas Américas

Cuba, e a solidariedade revolucionaria

Manuel Mera – Sermos Galiza
Once de novembro cúmprese o 40 aniversario da independencia de Angola, conquistada despois dunha longa guerra contra a potencia colonialista, Portugal. Mais a historia deste país tería sido moi diferente, se a axuda solidaria de Cuba non ter evitado o triunfo da intervención dos Estados Unidos. Norteamérica pretendía mediante os exércitos de Suráfrica e Zaire, impedir ao Goberno do MPLA (Movimento Popular de Libertação de Angola) asumir o governo. Non foi esta a única contribución solidaria de Cuba na África no eido militar. Lembremos a colaboración co goberno socialista de Etiopía (1977-1988) fronte á invasión somalí apoiada por Washington. Porén, destaca a solidariedade con Angola, tanto por se prolongar 16 anos (1975-1991), como por as forzas cubanas ser tamén decisivas para a independencia de Namibia e Cimbabue, así como para o remate do apartheid en Suráfrica. Falamos dunha colonia de 1.246.700 km2, e 6.761.000 habitantes en 1975, deles máis de 350.000  colonos brancos, nomeadamente portugueses. En Angola as exportacións dobraban ás importacións.

As imaxes de Agostinho Neto e Fidel acompañan a histórica celebración en Luanda do fin da guerra contra o colonialismo racista.
Os retratos de Agostinho Neto e Fidel acompañan a histórica celebración en Luanda do fin da guerra contra o colonialismo.

Seguir lendo Cuba, e a solidariedade revolucionaria