Todalas entradas de Terrasenamos

Brigada solidária medioambiental a Guamá (Santiago) e La Lisa (Habana) en xullo

Terra Sen Amos – Redacción

O Poder Popular de Guamá (Santiago de Cuba) e La Lisa (Habana) organizan con Sodepaz para a primeira quincena de xullo, unha brigada solidária de agroecoloxía, enerxías renovábeis e traballlo comunitário. O programa comezará con sete días en Guamá para participar no traballo medioambiental de conservación dos manglares e a producción de enerxías renovábeis para a sanidade, a vivenda, a agricultura e a administración municipal. Nos sete días seguintes, a brigada intervirá no traballo comunitário do popular barrio habaneiro de La Lisa, nas áreas de cultura, desenvolvimento local e economía solidária. Durante o tempo na área rural de Guamá, o aloxamento será nun hotel de beiramar e na Habana en casas particulares. Máis información e inscrición no seguinte enlace
http://www.viajes.sodepaz.org/travel/cuba-agroecologia-y-trabajo-comunitario/show

A vizosa beiramar de Quiebra Seca (Guamá) accédese por unha estrada de area entre o Caribe e a Serra Maestra.
A vizosa beiramar de Quiebra Seca (Guamá) accédese por unha estrada de area entre o Caribe e a Serra Maestra.

Homenaxe en Lisboa ás vitimas do atentado contra a embaixada de Cuba no 76

Cubadebate – Terra Sen Amos

Os himnos nacionais de Cuba e Portugal resoaron na céntrica avenida Fontes Pereira de Melo de Lisboa ao receber na entrada da Embaixada de Cuba, no número 19, un galano floral de cravos vermellos e brancos en recordo de Adriana Corcho Calleja e Efrén Montegudo Jiménez, diplomáticos que perderon a súa vida no atentado terrorista de 22 de abril de 1976. Unha placa conmemorativa recorda na  porta da legación aos dous diplomáticos asasinados en plena mocidade. A onda de máis de 150 atentados contra misións diplomáticas e obxectivos cubanos en máis de 20 países sucedera entre 1975 e 1976, con ataques terroristas contra as Embaixadas de Cuba en Perú e México e outras legacións, entre elas a de Nova York.

A embaixadora de Cuba en Lisboa recorda a Adriana Corcho Calleja e Efrén Montegudo Jiménez, diplomáticos que perderon a súa vida no atentado terrorista de 22 de abril de 1976.
A embaixadora de Cuba en Lisboa recorda a Adriana Corcho Calleja e Efrén Montegudo Jiménez, diplomáticos que perderon a súa vida no atentado terrorista de 22 de abril de 1976.

Seguir lendo Homenaxe en Lisboa ás vitimas do atentado contra a embaixada de Cuba no 76

EUA son o primeiro infractor de Dereitos Humanos, segundo un informe do Consello de Estado de China

Axéncia XINHUA – Terra Sen Amos

O Departamento de Estado dos EUA publicou 13 de abril o seu informe de dereitos humanos no mundo en 2015 no que, como xa ten por norma, evita mencionar a súa própia realidade. Facendo uso de datos contrastados, procedentes da estatística norteamericana e de organismos internacionais, a Oficina de Información do Consello de Estado de China, publica un completo informe sobre os dereitos humanos nos EUA no que salienta abuso da autoridade sobre a poboación, en especial sobre afro-americanos e latino-americanos; prevaléncia da clase adiñeirada sobre o sistema electoral e de governo; maltrato crecente de menores, ascenso das mortes causadas polo sistema de libre acceso ás armas, a poboación carcerária máis alta do mundo e degradación en aumento das cadeas, en maioria entregadas a interese privados; detidos sen instrucción nin xuizo xusto e inxerencia armada arbitrária con danos de lesa humanidade en paises terceiros aos que negan calquera dereito, incluidos o de defensa e reclamación ante instancias internacionais.

O facho das liberdades agacha o desprezo sistemático dos Dereitos Humanos en todo o planeta.
O facho das liberdades pratica o desprezo sistemático dos Dereitos Humanos en todo o planeta.

Seguir lendo EUA son o primeiro infractor de Dereitos Humanos, segundo un informe do Consello de Estado de China

O Parlamento ratifica por unanimidade a condena do Bloqueo a Cuba

Terra Sen Amos – Redacción

O Parlamento de Galiza volveu condenar o Bloqueo norteamericano contra Cuba. A votación produciuse no pleno de mércores 13, nesta ocasión por unanimidade, ao sumarse a maioría do PP na cámara a un texto de recusación da inxerencia na liña do que fora aprobado pola maioría de esquerdas 23 de setembro de 2008. O novo pronunciamento celebra o restablecemento de embaixadas entre Cuba e EUA, recorda o clamor da Asemblea da ONU a prol de respectar o dereito internacional na illa e cualifica de “inhumano embargo” o cerco político, social e económico criticado polo mesmo presidente Obama. A asociación Haydee Santamaria promoveu a declaración lida polo presidente do Parlamento.

O cónsul xeral de Cuba en Galicia, José Antonio Solana segue a sesión do Parlamento, acompañado polo secretario xeral de Emigración da Xunta, Antonio Rodríguez Miranda.
O cónsul xeral de Cuba en Galicia, José Antonio Solana segue a sesión do Parlamento, acompañado polo secretario xeral de Emigración da Xunta, Antonio Rodríguez Miranda.

Seguir lendo O Parlamento ratifica por unanimidade a condena do Bloqueo a Cuba

Silvio Rodriguez cantou para os picariños nunha escola pública coruñesa

Terra Sen Amos – Segunda Cita

Silvio Rodríguez (La Habana, 1946) actuou dia 8 no Coliseo da Coruña, onde veu presentar seu novo disco ‘Amoríos’ e recrear algúns dos clásicos da súa extensa obra. Na súa páxina electrónica “Segunda Cita”,  Silvio conta a súa visita á escola pública Sanjurjo de Carricarte, o mesmo día do concerto, na praza de San Xosé de A Coruña. “Onte invitáronnos a unha escola primária en A Coruña -di o compositor e co-fundador de A Nova Trova- e de certo pasámolo moi ben: recibiunos unha entusiasta directora e vários mestres, mais no percorrido polas aulas foi a rapazada quen nos levou da man. No primeiro fomos visitar aos máis cativos e conmoveume o mesmo arrecendo de lápis e gomas de borrar daquela escola pública número 5 de San Antonio de los Baños, que me acollera hai un mundo de tempo”.

Nenas e nenos da escola pública Sanjurjo de Carricarte, antenden a trova de Silvio Rodríguez.
Nenas e nenos da escola pública Sanjurjo de Carricarte, antenden a trova de Silvio Rodríguez.

Seguir lendo Silvio Rodriguez cantou para os picariños nunha escola pública coruñesa