Todalas entradas de Terrasenamos
“A figura do Che está en todo o mundo, mais as veces non saben o por que” (Juan Martin Guevara)
X.M.– Sermos Galiza 14.11.17
É o irmao mais novo dun mito, mais el propio ten unha historia fascinante que contar: a da súa militancia no Partido Revolucionario dos Traballadores e a de preso político durante 8 anos nas cadeas da ditadura militar arxentina. Juan Martín Guevara de la Serna (Córdoba, 1943) é co-autor do volume Meu irmao Che e visitou o país convidado por Agora Galiza para oferecer palestras en Vigo (Libraría Cartabón) Compostela (Centro Social das Fontiñas) e A Coruña (Centro Social Gomes Gaioso) Juan Martín Guevara explícase por si só, mais vive o compromiso de dar a coñecer en plenitude a figura de Ernesto, a de que se viaxe alén da lenda, a de humanizar e retratar Guevara como un revolucionario co fusil na man, si, mais tamén como un dos pensadores máis potentes do marxismo do século XX.
Cuba continua abrindo fronteiras e Trump corre a pechalas
Angel Guerra Cabrera – Telesur
Donald Trump derruba boa parte das medidas distensivas de Obama respecto de Cuba, malia seguir en pé o argumento principal do seu antecesor para levalas a cabo: que o bloqueo e a política de hostilidade non produciran o cambio de goberno na illa. A fin de contas, Obama non virara para o socialismo: propuxo ao Congreso levantar a medida xenocida trasmitindo unha idea compartida pola maioría dos estadounidenses e dos cubanos residentes nos EUA. Unha proposta que fora asumida por gran parte da xerarquía de poder, como se aprecia na choiva de críticas desta semana ao anunciaren as medidas anti-cubanas de Trump.
Seguir lendo Cuba continua abrindo fronteiras e Trump corre a pechalas
O soño do Che, recordado na súa homenaxe celebrada en Vigo
Terra en Amos – Redacción
O Che entraba na Habana no 59, a beira de Fidel, e levaba un soño no maxín: facer dos Andes unha nova Serra Maestra e levar a Revolución ao continente, nunha réplica da heroica campaña na que unha guerrilla espaventara un exército regular de 44.000. A Homenaxe ao Che en Vigo, nos 50 anos do seu asasinato, comezaba con este recordo de Moncho Leal, ex presidente da Francisco Villamil, que falaba na Libraria Andel nunha convocatoria do Comité Nacional Galego Ernesto Che Guevara.
Seguir lendo O soño do Che, recordado na súa homenaxe celebrada en Vigo
A Asemblea da ONU aplaude a Cuba nunha nova sesión de crítica mundial ao bloqueo
Información de Granma e axencias
O ministro de Estado de Cuba, Bruno Rodríguez Parrilla, recordou perante a Asemblea Xeral da ONU a irrenunciabel vocación soberana de Cuba, e recusou con enerxía a soberbia imperialista empregada no foro por Nicky Haley, embaixadora de EUA nas Nacións Unidas, para se referir ao Estado Cubano e ao seu Goberno. O ministro denunciou o proceder inmoral de Trump ao defender un bloqueo, que non nacera no 62 pois non deixa de ser unha manifestación contemporánea da cobiza histórica dos EUA sobre Cuba. Só EUA e e o Estado de Israel defenderon co seu voto o cerco ilegal a Cuba.
Seguir lendo A Asemblea da ONU aplaude a Cuba nunha nova sesión de crítica mundial ao bloqueo