Galiza celebra o 57 aniversário da Revolución Cubana

Terra Sen Amos – Redacción

O 57 aniversário da Revolución Cubana reuniu en Compostela á Asociación de Amizade Galego-Cubana “Francisco Villamil” e ao Consulado Xeral de Cuba en Galiza, nunha festa conmemorativa que congregou a solidariedade organizada e a amizade con Cuba. Abrindo o acto, Valentín Alvite Gándara, presidente da “Francisco Villamil” dixo que a fuga de Fulgéncio Batista coa caixa do Banco Nacional, no mencer do primeiro de ano de 1959,  fora descrita na prensa conservadora coma a escorrentada dun ladrón, asasino e valedor da máfia. Alvite recordou o trinta aniversário da Asociación á beira de Cuba, obxecto dun libro que relata o cerco económico e político e a manipulación e censura pagada polo Capital. José Antonio Solana González, Cónsul Xeral de Cuba, chamou a sumar vontades contra o Bloqueo que teima, pésia o veto da Asemblea da ONU e o recoñecemento de inutilidade e inxustiza da Casa Branca. A razón maior dunha idea de xustiza abrirase paso igual que os Cinco regresaron, dixo, coa verdade de Cuba e a solidariedade do mundo.

Na festa do aniversário, só parou a música para escoitar os discursos de Alvite e Solana. Foto de Merchi Santiago.
Na festa do aniversário, só parou a música para escoitar os discursos de Alvite e Solana. Foto de Merchi Santiago.

Acompañaban a José Antonio Solana a Cónsul Laura Urra e a equipa da legación de Galiza. Asístían a festa cadros de partidos nacionalistas e da esquerda así coma da maioría actual no Parlamento do Hórreo.

Deixa unha resposta

O teu enderezo electrónico non se publicará