Cuba exporta saúde e cultura cercada por un imperialismo que reparte guerra e miseria

Bartolomé Sancho Morey.

Das Universidades de Cuba sairán este ano 10.500 médicos, 5.683 cubanos e 4.843 procedentes de 70 paises dos cinco continentes, entre eles os Estados Unidos. Os graduados son homes e mulleres con alto nível de preparación e de compromiso cos desposeídos do mundo. Dende 1961 até 2012, son máis de 124.700 os médicos cubanos formados nas Universidades da illa e decenas de miles os extranxeiros que cursaron estudos de medicina con bolsas integrais do Estado.

Cuba contaba con seis mil médicos na altura de 1959 pero o pais houbo de resolver con menos de tres mil o convulso periodo da primeira contraofensiva reaccionaria, despois da deserción antipatriótica dos médicos burgueses que preferiron emigrar a Estados Unidos antes de participar no proxecto de sanidade socialista emprendido pola Revolución. Contra esta traición que tan graves problemas orixinou, Cuba é hoxe o pais con máis médicos per cápita do mundo e o seu modelo de sanidade é citado como exemplo pola OMS. Seguir lendo Cuba exporta saúde e cultura cercada por un imperialismo que reparte guerra e miseria

Directivos da Francisco Villamil reclaman a Obama a liberdade dos Cinco

Valentín Alvite Gándara, presidente da Asociacion de Amizade Galego-Cubana “Francisco Villamil”, e Xosé Manuel Viqueira Sende, ex-presidente da Asociación e actual membro de Xunta Directiva, entregaron no Consulado dos Estados Unidos en Galiza, situado na cidade da Coruña, unha carta dirixida a Barack Obama na que se reclama a liberdade para os Cinco Anti-terroristas inxustamente detidos nos Estados Unidos.

A misiva foi entregada simultaneamente noutras delegacións dos Estados Unidos en todo o Estado, en nome do Comité Estatal pola liberdade dos Cinco Cubanos presos en EE.UU. presos por loitar contra o terrorismo. O Comité recordaba desta maneira a persistencia da inxustiza cometida contra os Cinco, no 15 aniversario da súa detención e proceso, considerados por todo o mundo coma paradigma de inxustiza. Seguir lendo Directivos da Francisco Villamil reclaman a Obama a liberdade dos Cinco

O diretor da FAO felicita a Fidel e a Cuba por anticiparse aos obxectivos do programa de alimentación básica

Habana, 06 maio – Prensa Latina.

O diretor xeral da FAO (axencia da ONU para a Alimentación e a Agricultura) José Graziano da Silva, felicitou a Fidel Castro pola súa responsabilidade e empeño en facer que Cuba atinxise adiantadamente os obxectivos do programa de erradiación da fame no mundo, trazados no 96 en Roma para o ano 2015.

Da Silva cita na súa carta a intervención de Fidel en 1996, no cumio da FAO en Roma, e recorda o “breve pero poderoso discurso, que aínda permanece na memoria colectiva da nosa organización”. O diretor lembra as palabras finais de Fidel naquela ocasión: “as campás que dobran hoxe polos que morren de fame a diario, tocarán mañá pola humanidade enteira, caso de esta non querer, saber ou poder ter sabedoría abonda para salvarse”. Seguir lendo O diretor da FAO felicita a Fidel e a Cuba por anticiparse aos obxectivos do programa de alimentación básica

O congreso Nethink de San Simón anuncia que non existe cerco político e económico norteamericano sobre Cuba

Yoani Sánchez, delegada en Cuba da Sociedade Interamericana de Imprensa (SIP) axencia de notícias da CIA con sede en Miami, revelou na Illa de San Simón que non existe enfrontamento nin diverxencias entre Estados Unidos e o governo da República de Cuba. Invitada pola Consellaría de Cultura da Xunta e o diario La Voz de Galicia ao encontro Nethink (en réxime pechado, con distribución editada por Internet) a representante da axencia norteamericana dixo que os desacordos entre a poboación e o Governo Revolucionario son a causa de todos os problemas que sofre Cuba dende 1959.

Para patentar a súa credibilidade, a correspondente da SIP nega calquera relación con gobernos do mundo críticos con Cuba. En toda a nosa América é ben coñecida a dependencia da administración norteamericana da axéncia para a que ela traballa; é verdade que na súa recente visita a Brasil contara con organizacións de extrema dereita e o apoio explícito da embaixada norteamericana; falando na República Tcheca, como parte do programa de viaxe con parada na Galiza, ela mesma agradeceu a valiosa axuda prestada por People in Need (PIN), organización criada e financiada pela Fundação Nacional para a Democracia (NED), instancia de fachada da CIA. Seguir lendo O congreso Nethink de San Simón anuncia que non existe cerco político e económico norteamericano sobre Cuba

A “Francisco Villamil” participa na homenaxe a Hugo Chávez celebrada no Consulado de Venezuela en Galiza

Dirixentes sindicais, representantes de formacións políticas da esquerda nacionalista e personalidades da cultura, homenaxearon no Consulado Xeral de Venezuela en Vigo ao líder da Revolución Bolivariana Hugo Chávez Frias, falecido en Caracas dia 5.

A Asociación de Amizade Galego-Cubana “Francisco Villamil”, entregou unha carta de condolencia asinada polo seu presidente, Valentín Alvite Gándara á Cónsul Xeral de Venezuela en Galiza, Mónica Chacín.

O presidente da “Francisco Villamil sinala no seu escrito que Chávez “cambiou a folla de calendário da arrogante censura imperial contra Cuba e abriu camiño a una política continental de xustiza e solidariedade, sobre a base das mesmas ideas socialistas que os Estados Unidos combaten a ferro e fouce na Nosa América desde a Guerra Fria e nomeadamente a partir da entrada dos Revolucionários na Habana, no aninovo de 1959”. Seguir lendo A “Francisco Villamil” participa na homenaxe a Hugo Chávez celebrada no Consulado de Venezuela en Galiza

Asociación de Amizade Galego-Cubana “Francisco Villamil"

Visit Us On TwitterVisit Us On Facebook