“A actitude irresponsábel e a manipulación política de Jair Bolsonaro, obrigou Cuba a tomar unha decisión que seguramente terá implicacións para millóns de familias brasileiras, nomeadamente para as familias de baixos ingresos, que viven nos arrabaldos máis pobres e afastados, nunca citados nos grandes medios de comunicación. A esas familias e a ese pobo brasileiro, expresamos toda a nosa solidariedade”, dixo Yaira Jiménez, en nome do ministerio de Relacións Exteriores de Cuba (MINREX) En contestación a preguntas de Cubainformación e Sputnik Mundo, explicou que as brigadas médicas comparten de forma solidaria os beneficios do seu labor entre os profesionais da medicina que participan nas diferentes misións e o sistema de saúde cubano. A explicación da cooperación cubana en materia de saúde, deixa en pésimo lugar os infundios distribuidos por axencias internacionais que citan a equipa do presidente eleito do Brasil. Cuba contesta con transparencia proverbial cando o imperialismo calumnia.
Comunicado da Direção Nacional do Centro Brasileiro de Solidariedade aos Povos e Luta pela Paz – Cebrapaz.
O Ministério da Saúde da República de Cuba anunciou a retirada dos médicos cubanos do programa Mais Médicos. A participação cubana no programa era pautada por regras acordadas entre Brasil e Cuba, sob os auspícios da Organização Pan-Americana da Saúde, mais antiga entidade internacional da saúde, integrada ao sistema das Nações Unidas desde a fundação da ONU. Durante os cinco anos da participação de Cuba no programa, os profissionais de saúde cubanos atenderam 113 milhões de brasileiros, pela primeira vez recebendo cuidados médicos muitos deles. Pacientes deram aos médicos cubanos uma aprovação de 95%, segundo pesquisa encomendada pelo Ministério da Saúde do Brasil.
Non parece interesar aos grandes medios de comunicación a opinión das cubanas e cubanos traballadores da saúde no Brasil. Os grandes medios acusan a Cuba de non ter liberdade de expresión nin pluralismo, malia os medios de comunicación cubanos recolleren as declaracións de moitos deses médicos, quer no Brasil, quer en Cuba, onde xa regresaron máis de 2.000 dos mais de 8.000 profesionais que levaban adiante o programa Máis Médicos e depois de Jair Bolsonaro, Presidente electo do Brasil, utilizar o desprezo e a ameaza contra eles. A opinión das integrantes das brigadas médicas aldraxadas non parece ser de interese dos media nodais do capital. O programa Mais Médicos fora lanzado na IX Reunión Tripartita entre Brasil, Cuba e a Organización Panamericana da Saúde/Organización Mundial da Saúde (OPS/OMS) en 2013.
Coa recente visita do presidente español a Habana, reloce quén tiña razon e como o tempo coloca cadanseu no seu sitio. A política española de apurar o eterno cerco de Cuba (Aznar) ou delegar na tirania de Washington e finxir inocéncia (Felipe González) remata no recoñecemento de Pedro Sánchez na Habana, de que España chega con moito retraso, eufemismo que admite a necesidade de reparar erros e inxustizas graves. Aznar desafia agora alarmado a fórmula dun observatorio hispano-cubano de Dereitos Humanos adiantada por Sánchez na súa visita, no que as sancións poden recaer naturalmente sobre España e as graves infracións cometidas polo seu governo.
Gustavo Machin, embaixador de Cuba en Madrid, pregunta que pais do mundo non se defendería dunha agresión coma a dos EUA, dirixida a acabar co governo e as leis da illa e a promoción económica de opositores. Nunha entrevista para a Cadena Ser en hora de máxima audiencia, co gallo da viaxe de Pedro Sánchez a Habana, dia 22, o embaixador quixo saber en que outro pais abordaran a redacción dunha nova Constitución mediante un debate democrático de base que implicaba a sete millóns de votantes en Cuba e a outros dous na emigración e preguntou se esta consulta non era acaso un exercicio democrático. É a primeira vez que unha cadea privada comercial ignora o que a información dominante chama oposición interior e inquire ao representante de Cuba sobre unha obxección da Comisión de Dereitos da Unión Europea.