Arquivo da etiqueta: Ángeles Diez

“Compre ler o código de barras dos media para saber as súas dependencias”, Angeles Diez

Terra Sen Amos – Redacción

Sen coñecer a propiedade dos media non é posibel identificar súas servidumes, dixo Ángeles Diez na conferencia de apertura da Semana sobre Manipulación Mediática e Dereito a Información, organizada pola Asociación de Amizade Galego-Cubana Francisco Villamil e a Asociación Galego-Bolvariana Hugo Chávez (AGABO). Para a profesora de socioloxía da Complutense, a distorsión da información debe entenderse no marco dos intereses económicos e politicos dos media e na súa propiedade polo que é preciso responder a certas preguntas coma a do accionariado, a franxa de público a que vai dirixido, a orixe das novas, os compromisos políticos da propiedade e a natureza das insercións de publicidade. Diez falou no auditorio do Antigo Rectorado de Vigo ateigado de público.

Angela Diez abriu no Reitorado de Vigo as Xornadas sobre Manipulación Mediática e foi presentada por Celso López Pazos.

Seguir lendo “Compre ler o código de barras dos media para saber as súas dependencias”, Angeles Diez

A solidariedade con Cuba honra en Madrid o legado internacionalista de Fidel

Alina Maceda  (Madrid) para Terra Sen Amos

A solidariedade con Cuba recordou en Madrid o legado internacionalista de Fidel como proxecto de futuro da Revolución Cubana e vieiro para as revolucións do século XXI. So o lema Fidel Vive, la Revolución Sigue! a homenaxe, sábado 25, no Auditorio Marcelino Camacho, contou con senllas brillantes aportacións de Belén Gopegui e Anxeles Diez, secundadas por Alfredo Catalá en representación do ICAP; Eugenio Martinez Henriquez. embaixador de Cuba; o eurodeputado Xabier Couso, Lázaro Oramas, de Cubainformación e os cantautores Ismael de la Torre, Manuel Gerena, Juanjo Anaya, Orlis Pineda e Raul Torres.

“O legado internacionalista de Fidel é un vieiro para as revolucións do século XX”, dixo a profesora Angeles Diez na homenaxe a Lider da Revolución en Madrid.

Seguir lendo A solidariedade con Cuba honra en Madrid o legado internacionalista de Fidel

A Comisión Internacional de Xuristas reunida en Londres, reclama a Obama a liberación dos antiterroristas cubanos

LONDRES, 08.03.14 TSA.

A Comisión Internacional de Xuristas reunida para investigar o caso dos Cinco reclamou do presidente dos Estados Unidos Barack Obama, a urxente liberación dos loitadores antiterroristas cubanos ainda presos nas cadeas norteamericanas.

Indícase que a posta en liberdade debe ser inmediata e incondicional, por mor das conclusións dos xuices depois de investigaren o caso dos cubanos arrestados en 1998 por tratar de prever os ataques de grupos terroristas contra Cuba.

Formaron parte da comisión Yogesh Sabharwal, ex titular de Xustiza da India; Zac Jacoob, ex xuiz do Tribunal Constitucional de Sudáfrica e Phillipe Texier, xuiz do Tribunal Supremo de Francia, que admitiron probas de os antiterroristas non cometeren nin facer por levar a cabo actos de violencia, como tamén non conspirar contra o país que lles impuxo pena de cadea. Seguir lendo A Comisión Internacional de Xuristas reunida en Londres, reclama a Obama a liberación dos antiterroristas cubanos

Cuba é un obxectivo mediático de primeira importancia, sen ter recursos, armas nin posición xeo-estratéxica particular

A profesora da Complutense Ángeles Díez, tratou na Asemblea da Coordenadora Estatal de Solidariedade con Cuba (CESC) da información deturpada que sobre a Revolución ofrecen os medios do capitalismo e sinalou que non se pode perder de vista que a loita contra os medios dominantes é a loita contra o Capital.

Para a profesora Díez, é un feito que Cuba foi e é obxectivo militar do imperio estadounidense. Dende o triunfo da Revolución, lanzaron contra o país todo xénero de ataques, dereitos (invasión da Badía de Cochinos, guerra química e bacteriolóxica, atentados coma o da bomba que fixo anacos o avión de Cubana en pleno voo en 1976, intentos de asasinar ao seu presidente…) e indireitos. Dentro destes últimos, poderíanse incluír os correspondentes aos medios de comunicación.

A membro da Coordenadora de Solidariedade con Cuba explicou na súa ponencia por que unha illa que carece de armas nucleares, non ten unha posición xeo-estratéxica particular e non conta con grandes recursos naturais pode ser un obxectivo mediático de primeira importancia. Dúas razóns centran a xuízo de Ángeles Díez esta guerra desproporcionada do Imperio e os Estados con el aliñados contra Cuba: o primero é o concepto de soberanía; o segundo, o de centralidade do ser humano ou sistema que ter ao ser humano no seu centro. “Trátase de dous aspectos da Revolución Cubana que non pode dixerir o capitalismo”, dixo a profesora que foi presentada por Ramón Fernández Leal, ex-presidente da Asociación de Amizade Galego-Cubana “Francisco Villamil”. Seguir lendo Cuba é un obxectivo mediático de primeira importancia, sen ter recursos, armas nin posición xeo-estratéxica particular

A Coordenadora de Solidariedade con Cuba renova a súa confianza na Revolución

A transparencia de medios e obxectivos da Revolución Cubana e a plena declarabilidade da súa prática diaria dende 1959, contrasta coas incoerencias do capitalismo e o mal social que producen, sempre superiores aos remedios da crise. A Coordenadora Estatal de Solidaridade con Cuba CESC, reunida en Alcalá de Henares no 20 aniversario da súa fundación, renovou nun comunicado final a confianza en Cuba socialista, que é quen de avanzar na resolución dos problemas comúns mediante a discusión aberta e a participación solidaria, no entanto o capitalismo propón intensificar a explotación para superar os atrancos producidos pola insolidariedade e a inxustiza. A CESC representa a máis de cen colectivos de solidariedade con Cuba.

A Asemblea condenou a inxerencia imperialista en Cuba e o criminal bloqueo a que somete ao povo cubano e denunciou a connivencia dos poderes públicos do Estado español con organizacións terroristas coma Alpha 66 que teñen producido atentados graves en territorio cubano contra obxectivos civis. As instancias de solidariedade con Cuba foron especialmente críticas coa manipulación informativa como clave de tratamento imposto polos medios do capital contra a realidade cubana, con silenzo ou menosprezo de todos os avances do proceso transformador, e tratamento nesgado ou falsificado cando se trata das dificultades dun sistema sometido a bloqueo. A recente proclamación de excelencia, por parte da ONU, da atención de Cuba a infancia, superior á dos Estados Unidos ou España, non mereceu nin por acaso mención na prensa do sistema. Seguir lendo A Coordenadora de Solidariedade con Cuba renova a súa confianza na Revolución