Arquivo da etiqueta: El Pais

“Cuba probou que socialismo é posibel, mesmo coa bota dos Estados Unidos enriba” (Carlo Frabetti)

Terra Sen Amos – Redacción

Carlo Frabetti, matemático e escritor residente en Catalunya, é un dos autores máis lidos en Cuba e as súas obras venden en todo o mundo. Por ter asinado un manifiesto de denuncia da campaña de Prisa contra Cuba e Venezuela, a editora dos seus éxitos en Madrid (Santillana, do grupo Prisa-El Pais) recusou editarlle novos títulos endebén non deixase de vender os seus grandes éxitos. “Escrebendo conseguin gañar abondo para viver, mais polo activismo político non só non che pagan senón que chas fan pagar caro”, declara nunha entrevista publicada no sitio Jotdown.

Carlo Frabetti fala con admiración do socialismo cubano mesmo contra o critério reaccionário da editorial que vende con grande éxito os seus libros en todo o mundo.

“Escribín un manifiesto que asinamos cen persoas denunciando a campaña de Prisa contra Cuba e Venezuela e deseguida souberon que fora eu quen o redactara. Os meus amigos dentro de Prisa chamáronme miñaxoia: non comprendian como escribira semellante texto. A denuncia era contra o Grupo Prisa e contra escritores e intelectuais que asinaran un manifesto pedindo democracia en Cuba. Nós contestamos preguntando por qué non pedían democracia en España. Eis a idea. Ao saberen que fora eu quen redactara o manifesto e recadara asinaturas, dous libros que tiña pendentes de publicación chegáronme de volta por correo. Pasado un mundo de tempo, chamáronme de Santillana para volver editar con eles”.

Frabetti é o autor non cubano máis lido e reeditado en Cuba. “Visitei regularmente Cuba a partir e 2002. Nunha das primeras conversacións con Fidel (co que tiven o privilexio de traballar e discutir) preguntoume que fora o que máis me sorprendera de Cuba e contesteille: “que os rapaces non choran e que os maiores non lles berran”. En España ou en Italia, a publicidade é agresiva e pode que te cheguen mil impactos diarios, un cada minuto. Eis a razón de vivirmos rodeados de nenos fóra de si, a pedir cousas sen parar, e de pais que corrixen aos pequenos. En Cuba non ves cativos chorando nin maiores a berrarlles, dúas cousas que teñen moito que ver coa ausencia de publicidade e de consumismo desaforado”.

“Segue a pensar que o modelo é Cuba?”, preguntan a Carlo Frabetti na entrevista con Jottdown. “Nunca dixen que o modelo fose Cuba: o que eu afirmo é que Cuba probou que o socialismo é posíbel, mesmo coas sortes de cara e coa bota dos Estados Unidos enriba. Os cubanos cometeron moitos erros, non son perfectos, mais están no bon camiño. Un exemplo: se os Estados fosen persoas, Cuba sería unha boa persoa, cos seus erros e defectos, mentres Estados Unidos, Alemania, España, Italia, serían Al Capone ou Jack el Destripador. Ou as dúas cousas de vez. En Cuba pode haber racismo, machismo, corruptela, todo, mais ten un nivel de solidariedade e unha vontade de superación exemplares”.

Entrevista completa neste enlace: https://www.jotdown.es/2018/07/carlo-frabetti-he-vendido-mas-ejemplares-de-malditas-matematicas-que-de-los-otros-cien-libros-juntos-vivo-de-ese-libro/

 

Ignacio Ramonet, censurado en La Voz de Galicia, El Pais, Radio France e a Universidade de Paris por ter entrevistado a Fidel

Terra Sen Amos – Redacción

Cando un respectado xornalista coma Ignácio Ramonet denuncia a mentira coa que os medios dominantes informan sobre Cuba, él mesmo é castigado coa censura, o silenzo e o ostracismo. La Voz de Galicia, El Pais, Radio France e a Universidade de Paris-VII, tratan a súa colaboración coma un estigma depois da aparición do livro de conversas Fidel Castro, a miña vida (edicións Xerais, en versión de Xosé García Crego) produto de cinco anos de documentación e de demoradas entrevistas co Lider da Revolución. Ramonet, nado en Redondela no 43, exiliado  en Tánxer coa súa familia por Franco e formado en Paris, denúncia a censura contra Cuba dos mesmos medios poderosos que acusan de silenzo e manipulación a unha pequeno illa bloqueada e sen recursos.

A longa entrevista de Ramonet con Fidel é unha insustituibel historia da Revolución Cubana e apareceu co titulo de Biografía a dúas Voces.

A longa entrevista de Ramonet con Fidel é unha insustituibel historia da Revolución Cubana e apareceu co titulo de Biografía a Dúas Voces.

Seguir lendo Ignacio Ramonet, censurado en La Voz de Galicia, El Pais, Radio France e a Universidade de Paris por ter entrevistado a Fidel

“Reporters sans Frontières” mantén a liña anti-cubana do seu fundador Robert Menard

Adela Roade – Terra Sen Amos

Robert Ménard fundara Reporters sans Frontières (RSF) como celador do xornalismo en Cuba, e deuse o caso, nos 90, de alguén chamarlle a atención para o feito de os xornalistas asasinados en México (120 nas 5 últimas décadas) non merecer liña da ONG, ou mesmo relearlle a súa condición de mártires da liberdade de expresión a estes sentenciados a morte por man de conspiradores sentados na administración mexicana con licencia outorgada a norte do río Tijuana.  Os problemas de censura concentrábanse nos paises abrigados baixo capa do Império, mais Robert Menard teimaba dar a un pais pequeno e sen recursos como Cuba, sitiado por Norteamérica, a condición de censor entre censores. Menard aparece agora na TV falando con familias sirias refuxiadas na vila francesa de Béziers, non para se interesar polas súas liberdades senón para botalos, porque o que fóra fundador de RSF é agora alcalde de Béziers polo partido de Marine Le Pen.

menard
“Fose eu ministro da policía e habian ver o que é unha lei de inscrición. Férveme a cachola só de pensalo” Ménard -en uniiforme nazi- ficha a menores en Béziers.

Seguir lendo “Reporters sans Frontières” mantén a liña anti-cubana do seu fundador Robert Menard

Milanés prefire ignorar o fracaso do capitalismo

G. Luca-Terra Sen Amos
Un cantante cubano asegura hoxe na primeira páxina do diario español “El País”, que as dificultades da illa de Cuba deben achacarse ao fracaso xeral do socialismo. Tratandose de alguén que pasa boa parte do ano en Madrid, mal terá problemas en recoñecer que o fracaso de España, Grecia, Italia e Portugal é parte do capitalismo é o inferno de Africa expresión probatoria do espolio colonial. Pablo Milanés (eis o cantante) pasa cargos a unha Revolución que chamada a ser graza, beleza e convivencia en armonía foi para él camiño de espiñas. Foino de verdade?

milan

Seguir lendo Milanés prefire ignorar o fracaso do capitalismo

Norteamérica confisca o pago dos recibos dun coruñés a un colexio da Habana

A Administración Norteamericana confiscou ao coruñés Xavier Carvajal o pago das mensalidades da escolarización dos seus dous fillos, de 6 e 4 anos, nun colexio da Habana.

Estados Unidos levou a efeito esta intervención, contraria a toda norma internacional entre países amigos, coa aplicación da Lei Helms-Burton, subtitulada “Lei de Liberdade Cubana e Solidariedade Democrática” aprobada o 1 de marzo de 1996.

A edición galega de El País do dia 30 de Janeiro, deu noticia da confiscación ilegal da transferência. O autor da información, Xosé Manuel Pereira, sinala que o pago dos recibos dun colexio pode devir “asunto sensibel de política internacional” por mor do bloqueo decretado por Norteamérica contra Cuba. Seguir lendo Norteamérica confisca o pago dos recibos dun coruñés a un colexio da Habana