Arquivo da etiqueta: José Antonio Solana

A Homenaxe Nacional ao Che, dá cabo a cinco meses de difusión e honra do seu legado

Rosalia Naveira – Compostela

 Lóstregos dun noticiario en branco en negro de hai 50 anos sobre o foro esquerdo do Teatro Principal de Santiago: o sorriso do Che, de faciana pálida, mirada intensa, camisa aberta, tan diferentes da imaxe dixital. Sobre a figura de Guevara ven a música, a poesia e os discursos da Homenaxe Nacional ao guerrilleiro en Compostela ao se cumprir medio século da súa caida en combate. O Comité Galego de Homenaxe ao Che Guevara, constituido fins de xullo pasado (entre BNG, UPG, MGS, FOGA, PCPG, CIG e a Asociación de Solidariedade Galego-Cubana Francisco Villamil) asumia a proposta internacional de lembranza do heroe, lanzada por Evo Morales. Un programa de cinco meses de debates abertos, proxeccións e faladoiros, remata no encontro de Compostela.

Na mesa de son e luces da Homenaxe, dous voluntarios da “Francisco Villamil”: Alberto López Martinez e Xosé Manuel Viqueira Sende. (Foto cedida por Merchi Santiago)

Seguir lendo A Homenaxe Nacional ao Che, dá cabo a cinco meses de difusión e honra do seu legado

O Parlamento ratifica por unanimidade a condena do Bloqueo a Cuba

Terra Sen Amos – Redacción

O Parlamento de Galiza volveu condenar o Bloqueo norteamericano contra Cuba. A votación produciuse no pleno de mércores 13, nesta ocasión por unanimidade, ao sumarse a maioría do PP na cámara a un texto de recusación da inxerencia na liña do que fora aprobado pola maioría de esquerdas 23 de setembro de 2008. O novo pronunciamento celebra o restablecemento de embaixadas entre Cuba e EUA, recorda o clamor da Asemblea da ONU a prol de respectar o dereito internacional na illa e cualifica de “inhumano embargo” o cerco político, social e económico criticado polo mesmo presidente Obama. A asociación Haydee Santamaria promoveu a declaración lida polo presidente do Parlamento.

O cónsul xeral de Cuba en Galicia, José Antonio Solana segue a sesión do Parlamento, acompañado polo secretario xeral de Emigración da Xunta, Antonio Rodríguez Miranda.
O cónsul xeral de Cuba en Galicia, José Antonio Solana segue a sesión do Parlamento, acompañado polo secretario xeral de Emigración da Xunta, Antonio Rodríguez Miranda.

Seguir lendo O Parlamento ratifica por unanimidade a condena do Bloqueo a Cuba

O III Encontro Galego-Portugués de Solidariedade con Cuba reclama fin do Bloqueo

Compostela, 26 – Terra Sen Amos
A solidariedade de Portugal e Galiza con Cuba, anunciou en Santiago de Compostela unha mobilización conxunta para reclamar o fin do Bloqueo e da Posición Común da UE. O III Encontro de Solidariedade con Cuba, promovido por Porto Com Cuba e Asociación de Amizade Galego­cubana “Francisco Villamil”, apoiará todas as iniciativas que poidan favorecer o perfeccionamento e a eficiencia do modelo económico e social defendido pola Revolución, mediante fórmulas de cooperación de común interese para Portugal, Galiza e Cuba, e tomará en consideración recursos de xestión conxunta para levar a cabo labores de divulgación da realidade cubana.ase

P1040112

A Asemblea tratou entre outros temas, da maniipulación  informativa sobre a realidade cubana e do Bloqueo
A Asemblea tratou entre outros temas, da maniipulación informativa sobre a realidade cubana e do Bloqueo

Seguir lendo O III Encontro Galego-Portugués de Solidariedade con Cuba reclama fin do Bloqueo

Homenaxe ao anti-imperialismo de Jose MartÍ e Castelao no 162 aniversario do Pai da Patria Cubana

Terra sen Amos.  31.01.15 Vigo
A homenaxe a Martí na data do seu nacemento, organizada en Vigo pola Asociación de Amizade Galego-Cubana “Francisco Villamil”, deu lugar á rememoración de Daniel Afonso Rodríguez Castelao, no común compromiso das dúas personalidades coa emancipación dos pobos, a solidariedade internacionalista, o anti-imperialismo, a vivencia do exilio e a vocación da arte e a literatura como instrumento de intervención social. José Antonio Solana Fernández, cónsul xeral de Cuba, sinalou  noutro momento do acto que o único xeito de os cubanos lembrar a figura de Martí é o de continuaren na loita pola independencia e soberanía de Cuba, o mellloramento humano, a honra e dignidade do  pobo e o internacionalismo. Citando a Raúl Castro no recente cumio da CELAC en Costa Rica, Solana recordou que nas novas circuntancias, “Cuba non renunciará aos seus ideais de independencia e xustiza social, nin vai ceder nos seus principios, nin ceder na defensa da soberanía nacional e tamén non aceptará a pretensión de aconsellar e presionar en materia dos seus asuntos internos, depois de ter gañado este dereito con grandes sacrifizos”.

Amigos de Cuba, representantes do Corpo Consular e Cubanos residentes. recordan a Martí en Vigo, arredor do seu monumento.
Amigos de Cuba, representantes do Corpo Consular e Cubanos residentes. recordan a Martí en Vigo, arredor do seu monumento.

Seguir lendo Homenaxe ao anti-imperialismo de Jose MartÍ e Castelao no 162 aniversario do Pai da Patria Cubana

Nova homenaxe galega a Pedro Trigo no 61 aniversario da xesta de Moncada

Terra Sen Amos-Redacción
Pedro Trigo, heroe viveirés do asalto ao Moncada, foi honrado en Pontevedra no 61 aniversario da xesta que marcou o abrente da Revolución Cubana. Miguel Anxo Fernandez Lores, alcalde de Pontevedra, recibiuno na mañá de sábado 29, xunto con José Antonio Solana, Cónsul Xeral de Cuba, a funcionaria consular Silvia Maria Iglesias Pérez e directivos da asociación Mar de Lumes, organizadora da homenaxe. Na tarde, Trigo contou en primeira persoa a inciativa e preparativos do Moncada fronte unha plural e concurrida asistencia e no seu relato levou a primeiro plano a independenza e completa austeridade de recursos dos conxurados, axudados a penas con ideas e decisión. Interrogado sobre a disposición revolucionaria das novas xeracións, o Cónsul Xeral citou a Bonifacio Byrne: “A loita de Cuba será eterna mentres dure o imperialismo”.  Foi a segunda homenaxe galega a Pedro Trigo no 61 aniversario do Moncada, depois da festa organizada 26 de xullo na súa honra en Compostela pola Asociación de Amizade Galego-Cubana Francisco Villamil. A convocatoria de Pontevedra contóu coa adhesión de organizacións solidarias de toda Galiza.

A cónsul de Cuba Laura Urra e Valentín Alvite, presidente da Francisco Villamil, acompañan a Pedro Trigo (no centro) durante a súa homenaxe en Compostela en xullo.
A cónsul de Cuba Laura Urra e Valentín Alvite, presidente da Francisco Villamil, acompañan a Pedro Trigo (no centro) durante a súa homenaxe en Compostela en xullo.