Arquivo da etiqueta: José Martí

José Martí, de volta en Compostela

Rosalia Naveira – Compostela
Martiño Noriega, Alcalde de Santiago, foi pousar unha rosa branca de inverno a José Martí no pear de granito levemente deitado, que mellora ao Pai da Independencia de Cuba a vista regalada da Galaxia, dende o centro do Parque Eugenio Granell. Figura de Martí: no mundo enteiro emblema de liberdade dos pobos, depois de ter servido de guia a súa patria cubana e a toda América na batalla pola liquidación do modelo humillante da maquía e manumisión imperial, que o Polifemo do Norte teima por espetar na illa dende os tempos de Thomas Woodrow Wilson, primeiro Premio Nobel da Paz colonialista. Honrada vontade do alcalde Noriega, de restituir Martí o seu lugar en Santiago, depois de se perder do Castiñeiriño con violencia de soplete e desleigo burocrático de gobernos da Casa de Raxoi. Ao pé da figura recuperada, o pródigo foi saudado por Valentín Alvite, presidente da Asociación de Amizade Galego-Cubana que leva o nome de Francisco Villamil, mambí Galego compañeiro de trocha de Martí , e por José Antonio Solana, Cónsul Xeral de Cuba na Galiza, a beira do Alcalde no acto de reposición. Na mañá de neve, Jamila Purofilin rompeu o cristal xeado con tres retrousos de Martí, e o de honra final foi para a Guantanamera, no verso que anuncia a xustiza definitiva da longa guerra labrega de Cuba, por fin soldada para sempre na Serra Maestra cos guerrilleiros chegados do mar.

Martiño Noriega , José Antonio Solana e Valentin Alvite reciben de volta a Marti no Parque Eugenio Granell de Compostela.

 

O saúdo do Papa no aeroporto da Habana atribúe a Martí unha cita apócrifa

Gustavo Luca – Terra Sen Amos

A cita de José Martí incluida por Francisco Bergoglio no seu discurso de chegada a Cuba, non é de Martí. Foi tomada dun informe da Conferéncia Monetaria celebrada en Washington a comezos de 1891 e reproducida polo própio Martí na Revista Ilustrada de Nueva York, en Maio do mesmo ano, citando a procedéncia. Martí incorpora ao seu informe vários parágrafos do dictame da Comisión Monetária deste encontro, e un deles, inserido entre aspas, di: “Los pueblos todos deben reunirse en amistad y con la mayor frecuencia dable, para ir reemplazando, con el sistema de acrecentamiento universal, por sobre la lengua de los istmos y la barrera de los mares, el sistema, muerto para siempre, de dinastías y de grupos”.  A cita defende en realidade o patrón bi-metálico (prata-ouro) preconizado por América contra o patrón ouro preferido polo Banco de Inglaterra. O propósito da Conferéncia auspiciada por EUA durante a presidencia de Harrison, era dar saída ás grandes reservas de prata de Fort Knox, facer fronte ao imperialismo victoriano británico (as “dinastías”) e aos grupos de presión norteamericanos (os “grupos”) partidários do patrón ouro. A reportaxe de Martí sobre a conferéncia está incluida nas páxinas 154 a 167 do volume IV da súa obra completa, dentro da sección Nuestra América. Martí era na altura ministro plenipotenciario do Uruguai en Washington e foi encargado polo governo de Montevideo de representar a República Oriental na Conferéncia Monetária.

Martí cita nunha cróniica enviada a Revista Ilustrada de Nueva York, a sentenza que lle atribúe erradamente Bergoglio.
Martí cita nunha cróniica enviada a Revista Ilustrada de Nueva York, a sentenza que lle atribúe erradamente Bergoglio.

 

Seguir lendo O saúdo do Papa no aeroporto da Habana atribúe a Martí unha cita apócrifa

Abel Prieto: “EUA não obtém nenhuma glória em sitiar um povo que jamais o agrediu”

Salim Lamrani-Opera Mundi-Paris-14/02/2015

Abel Prieto é ex-ministro da Cultura do governo de Fidel Castro e atual assessor para assuntos culturais; para ele, Cuba se beneficiaria de aproximação com EUA. Nascido em 1950 em Pinar del Río, ocidente de Cuba, Abel Prieto Jiménez é uma personalidade da cultura cubana. Depois de estudos em Letras Hispânicas na Universidade de Havana, ele foi professor de literatura por vários anos. Em 1988, foi eleito presidente da União Nacional dos Escritores e Artistas de Cuba (UNEAC), um dos  mais jovens da história da instituição. Durante uma reunião com Fidel Castro em meados dos anos 1990, Abel Prieto relatou ao líder da Revolução Cubana suas divergências e declarou seus pontos de vista. Alguns pensaram que a sua carreira seria irremediavelmente afetada. Semanas depois, Castro decidiu nomeá-lo ministro da Cultura, em 1997, cargo que ocuparia até 2012. Em março de 2012, Prieto deixou o Ministério da Cultura para ser assessor especial do presidente Raúl Castro.     Para o ex-ministro, Cuba se beneficiaria de uma aproximação dos EUA e, por mais que turistas norte-americanos trouxessem a cultura do consumismo pra ilha, os cubanos não perderiam sua identidade. Ainda segundo Prieto, o país tem lutado muito, especialmente na área de cultura, contra a burocracia, que classificou como “praga” que causa “dano incalculável”.

Abel Prieto, no centro da imaxe, conversa con Ignacio Ramonet  durante a presentación dun libro na Habana
Abel Prieto, no centro da imaxe, conversa con Ignacio Ramonet durante a presentación dun libro na Habana

Seguir lendo Abel Prieto: “EUA não obtém nenhuma glória em sitiar um povo que jamais o agrediu”

Homenaxe ao anti-imperialismo de Jose MartÍ e Castelao no 162 aniversario do Pai da Patria Cubana

Terra sen Amos.  31.01.15 Vigo
A homenaxe a Martí na data do seu nacemento, organizada en Vigo pola Asociación de Amizade Galego-Cubana “Francisco Villamil”, deu lugar á rememoración de Daniel Afonso Rodríguez Castelao, no común compromiso das dúas personalidades coa emancipación dos pobos, a solidariedade internacionalista, o anti-imperialismo, a vivencia do exilio e a vocación da arte e a literatura como instrumento de intervención social. José Antonio Solana Fernández, cónsul xeral de Cuba, sinalou  noutro momento do acto que o único xeito de os cubanos lembrar a figura de Martí é o de continuaren na loita pola independencia e soberanía de Cuba, o mellloramento humano, a honra e dignidade do  pobo e o internacionalismo. Citando a Raúl Castro no recente cumio da CELAC en Costa Rica, Solana recordou que nas novas circuntancias, “Cuba non renunciará aos seus ideais de independencia e xustiza social, nin vai ceder nos seus principios, nin ceder na defensa da soberanía nacional e tamén non aceptará a pretensión de aconsellar e presionar en materia dos seus asuntos internos, depois de ter gañado este dereito con grandes sacrifizos”.

Amigos de Cuba, representantes do Corpo Consular e Cubanos residentes. recordan a Martí en Vigo, arredor do seu monumento.
Amigos de Cuba, representantes do Corpo Consular e Cubanos residentes. recordan a Martí en Vigo, arredor do seu monumento.

Seguir lendo Homenaxe ao anti-imperialismo de Jose MartÍ e Castelao no 162 aniversario do Pai da Patria Cubana

A rede Zunzuneo e as leccións de democracia

Valentín Alvite.

En datas recentes, a axencia norteamericana Associated Press deu noticia de o Goberno de EE UU financiar en Cuba a rede social Zunzuneo, unha especie de “twitter” destinado a crear unha situación similar á “Primavera árabe” para provocar un cambio político na Illa. A citada axencia informa de o Goberno estadounidense recoñecer a existencia dese proxecto, que tivo un custo de varios millóns de dólares.

Se a finalidade de Zunzuneo é difundir as bondades do sistema político de EE UU, existe un modo de logralo sen causar ningún gasto aos contribuíntes: invitar os cubanos a visitar a base norteamericana de Guantánamo. Unha imaxe vale máis que mil palabras. Os visitantes poderían coñecer en detalle un modelo de estrito respecto aos dereitos humanos: nese recinto militar, desde 2001, centenares de presos sen acusación soportan as máis crueis torturas. Seguir lendo A rede Zunzuneo e as leccións de democracia