Arquivo da etiqueta: Revolución Cubana

”Cuba erguéu na abolición da escravitude e tivo o privilexio de combatir e construir á beira das nacións africanas”, dixo Raúl na homenaxe a Mandela

Terra Sen Amos.

Cinco paises comprometidos na desaparición do Apartheid foron invitados polo governo de Pretoria a interviren na homenaxe internacional a Nelson Mandela. Cuba foi distinguida co lugar de honra do derradeiro orador. No protocolo de invitados, Sudáfrica reservou a Cuba o lugar preferente, razón pola que Obama, invitado por razón de Estado, estaba na obriga de saudalo antes dos demais.

As empresas de información do Estado español ao censuraren esta pública distinción da República de Sudáfrica con Cuba, deixaron ao seu público leitor sen un dado relevante do programa de Joanesburgo. A irmandade de ideas entre e Revolución Cubana e a Sudáfrica do CNA, foi o centro do discurso de Raul Castro.

Para Raúl, Mandela é “o símbolo supremo de dignidade e de consagración inclaudicabel á loita revolucionaria pola liberdade e a xustiza; coma un profeta da unidade, a reconciliación e a paz”. Seguir lendo ”Cuba erguéu na abolición da escravitude e tivo o privilexio de combatir e construir á beira das nacións africanas”, dixo Raúl na homenaxe a Mandela

OS MEDIOS OCULTAN A VITAL PARTICIPACIÓN DE CUBA NA VITORIA DE MANDELA SOBRE O APARTHEID

Gustavo Luca – Terra Sen Amos.

“Na historia de Africa non existe outro caso dun povo alzado en defensa dun dos nosos”, declaraba Mandela ao Granma 27 de xullo de 1991. O primeiro presidente democrático de Sudáfrica honraba con estas palabras a contribución decisiva de Cuba na derrota do sistema racista do Apartheid e recoñecía o empeño de Fidel Castro naquela loita que o líder da Revolución Cubana chamara “a causa máis bonita”. A mesma prensa que condenaba a Mandela a cadea perpetua por terrorismo, despídeo con bágoas na hora do seu pasamento e procura non citar o protagonismo de Cuba na liberación de Namibia e Angola que obrigara á rendición de feito dos racistas de Sudáfrica.

Tropas cubanas chegaran a Angola en 1975-76. Derrubada a ditadura portuguesa no 74, un goberno de transición formado polo MPLA de Agostinho Neto, o FNLA de Holden Roberto e a UNITA de Jonas Sawinbi, comprometérase a dirixir Angola até as eleccións de novembro do 75. Antes da votación, soldados do Zaire colonialista de Mobutu entraron en Angola con braceletes do FNLA, engano inútil porque o MPLA prevalecía pese a superioridade en armas (procedentes de Sudáfrica e Estados Unidos) dos partidos mercenarios. Seguir lendo OS MEDIOS OCULTAN A VITAL PARTICIPACIÓN DE CUBA NA VITORIA DE MANDELA SOBRE O APARTHEID

50 VERDADES SOBRE A REVOLUCIÓN CUBANA

Salim Lamrani – Opera Mundi.

A Revolución Cubana, símbolo do degaro de independenza de América Latina e do Terceiro Mundo, marcou a historia do século XX. Seguir lendo 50 VERDADES SOBRE A REVOLUCIÓN CUBANA

Raúl no Moncada: “A nosa seguerá a ser a Revolución socialista dos humildes polos humildes”

TERRA SEN AMOS / JUVENTUD REBELDE.

Comemorando o 60 aniversario do asalto aos cuarteis de Moncada e Carlos Manuel de Céspedes, Raúl Castro reafirmou o compromiso socialista e popular da Revolución: “A nosa seguerá a ser a Revolución socialista dos humildes polos humildes, proclamada por Fidel o 16 de abril de 1961, no sepelio das vítimas dos bombardeos que precederon a invasión de Praia Girón”.

Para a 60 efeméride do Moncada, Cuba contou coa presenza de governos do ALBA e do CELAC que desafían os paradigmas do capital na Nosa América. No seu parlamento, Raúl referiuse á extensión da disidencia das políticas do FMI e tivo palabras para cadanseu dignatario: “A Revolución Democrática e Cultural de Bolivia, encabezada por Evo Morales, símbolo da reivindicación dos povos orixinarios; a triunfante Revolución Ciudadana, que lidera con amplio apoio popular en Ecuador o Presidente Rafael Correa; os avances sociais como los do Uruguai que conduce o compañeiro José Mujica, guerrilleiro tupamaro, catorce años na cadea; os que se producen no Caribe que loita polo desenvolvimento sostíbel, a xustiza e a igualdade soberana, representado aqui nos primeiros ministros Roosevelt Skerrit, de Dominica; Baldwin Spencer, de Antigua e Barbuda; Ralph Gonsalves, de San Vicente a as Granadinas, e Kenny Anthony, de Santa Lucía”. Outras mencións de Raúl foron para honrar a lealdade de México coa Revolución Cubana, na Guerra de Liberación e durante o bloqueo, e para Nicaragua e o seu presidente Daniel Ortega, tamén desprazado a Santiago para o aniversario. A emoción embargou ao Presidente a facer a mención de honra de Chávez: “Ao invicto Comandante en Jefe da Revolución Bolivariana da irmá Venezuela, o querido compañeiro Hugo Chávez Frías, discípulo de mérito dos padroeiros da independencia latinoamericana e caribeña. Seguir lendo Raúl no Moncada: “A nosa seguerá a ser a Revolución socialista dos humildes polos humildes”

Douscentos anos de loita para unir a Nosa América

Eddy Jiménez.

Houberan pasar douscentos anos dende o comezo das loitas independentistas de América Latina para facer realidade un congreso de todos os Estados do sur do Continente, coa inclusión dos caribeños, escrebe o xornalista cubano Eddy Jiménez no comentario editorial da sección A Nosa América da revista Aira das Letras que celebra a institución da CELAC.

O autor cita o Congreso Anfictiónico de Panamá, convocado por Simón Bolívar en 1826, cismado até o fracaso polos Estados Unidos, e o xuizo lúcido do Libertador: “Parecen os Estados Unidos destinados pola providencia para inzar América de miseria a conta da liberdade”. Seguir lendo Douscentos anos de loita para unir a Nosa América