Arquivo da etiqueta: Revolución Cubana

Vaclav Havel, defensor da OTAN contra a revolta dos povos

Durante anos, Vaclav Havel defendera a soberania do seu país contra o Pacto de Varsovia. Desaparecido o Pacto de Varsóvia por decisión dos seus propios mentores, Havel adicou o seu tempo aos intereses da OTAN e do imperialismo norteamericano contra o dereito e a vontade de outros povos a decidiren o seu destino.

O cativo autor de “Festa no Xardín” reservou as mais intensas descalificacións para os que defendían a súa soberania dende posicións diferentes ás da OTAN. Con todo, ningún país do mundo haberia de merecer o tempo e atención que consagrou a Cuba. Havel organizaba congresos, acollía a fina flor dos reventadores profisionais contra a presenza de Cuba nas organizacións internacionais e reclamaba un cambio póla forza do Governo da República de Cuba, ainda que para iso for preciso desafiar a carta das Nacións Unidas. Seguir lendo Vaclav Havel, defensor da OTAN contra a revolta dos povos

Fidel di que o triunfo sandinista débese á coerencia de Daniel Ortega

A razón da rotunda vitoria de Daniel Ortega en Nicaragua está en non ter abandonado nunca o contacto co povo e na loita incesante polo seu benestar. Fidel Castro resume así nas páxinas de Juventud Rebelde, o resultado das eleccións do pasado dia 6 no país de Sandino.

“Coñezo ben a Daniel –escrebe Fidel- endexamais adoptou posicións extremistas e sempre mantivo a fidelidade a principios básicos”. O autor do artigo recorda que Ortega asumira a Presidencia a partir dunha dirección política colegiada e soubera respectar as opinión dos seus compañeiros dentro do Sandinismo o que o habia de converter nun referente de unidade entre os revolucionarios, sen deixar nunca de manter contacto coas bases. Fidel ve neste comportamento coerente a grande ascendencia que Daniel Ortega adquiriu entre os humildes ao tempo que o Sandinismo gañaba a hostilidade da oligarquía nicaraguense e do imperialismo norteamericano. Seguir lendo Fidel di que o triunfo sandinista débese á coerencia de Daniel Ortega

Cuba é un obxectivo mediático de primeira importancia, sen ter recursos, armas nin posición xeo-estratéxica particular

A profesora da Complutense Ángeles Díez, tratou na Asemblea da Coordenadora Estatal de Solidariedade con Cuba (CESC) da información deturpada que sobre a Revolución ofrecen os medios do capitalismo e sinalou que non se pode perder de vista que a loita contra os medios dominantes é a loita contra o Capital.

Para a profesora Díez, é un feito que Cuba foi e é obxectivo militar do imperio estadounidense. Dende o triunfo da Revolución, lanzaron contra o país todo xénero de ataques, dereitos (invasión da Badía de Cochinos, guerra química e bacteriolóxica, atentados coma o da bomba que fixo anacos o avión de Cubana en pleno voo en 1976, intentos de asasinar ao seu presidente…) e indireitos. Dentro destes últimos, poderíanse incluír os correspondentes aos medios de comunicación.

A membro da Coordenadora de Solidariedade con Cuba explicou na súa ponencia por que unha illa que carece de armas nucleares, non ten unha posición xeo-estratéxica particular e non conta con grandes recursos naturais pode ser un obxectivo mediático de primeira importancia. Dúas razóns centran a xuízo de Ángeles Díez esta guerra desproporcionada do Imperio e os Estados con el aliñados contra Cuba: o primero é o concepto de soberanía; o segundo, o de centralidade do ser humano ou sistema que ter ao ser humano no seu centro. “Trátase de dous aspectos da Revolución Cubana que non pode dixerir o capitalismo”, dixo a profesora que foi presentada por Ramón Fernández Leal, ex-presidente da Asociación de Amizade Galego-Cubana “Francisco Villamil”. Seguir lendo Cuba é un obxectivo mediático de primeira importancia, sen ter recursos, armas nin posición xeo-estratéxica particular

A Coordenadora de Solidariedade con Cuba renova a súa confianza na Revolución

A transparencia de medios e obxectivos da Revolución Cubana e a plena declarabilidade da súa prática diaria dende 1959, contrasta coas incoerencias do capitalismo e o mal social que producen, sempre superiores aos remedios da crise. A Coordenadora Estatal de Solidaridade con Cuba CESC, reunida en Alcalá de Henares no 20 aniversario da súa fundación, renovou nun comunicado final a confianza en Cuba socialista, que é quen de avanzar na resolución dos problemas comúns mediante a discusión aberta e a participación solidaria, no entanto o capitalismo propón intensificar a explotación para superar os atrancos producidos pola insolidariedade e a inxustiza. A CESC representa a máis de cen colectivos de solidariedade con Cuba.

A Asemblea condenou a inxerencia imperialista en Cuba e o criminal bloqueo a que somete ao povo cubano e denunciou a connivencia dos poderes públicos do Estado español con organizacións terroristas coma Alpha 66 que teñen producido atentados graves en territorio cubano contra obxectivos civis. As instancias de solidariedade con Cuba foron especialmente críticas coa manipulación informativa como clave de tratamento imposto polos medios do capital contra a realidade cubana, con silenzo ou menosprezo de todos os avances do proceso transformador, e tratamento nesgado ou falsificado cando se trata das dificultades dun sistema sometido a bloqueo. A recente proclamación de excelencia, por parte da ONU, da atención de Cuba a infancia, superior á dos Estados Unidos ou España, non mereceu nin por acaso mención na prensa do sistema. Seguir lendo A Coordenadora de Solidariedade con Cuba renova a súa confianza na Revolución

O asasinato de Ben Laden

Fidel Castro reflexiona sobre a incursión de comandos USA en Paquistán.

O compañeiro Fidel defende neste escrito a tese de que a incursión que rematou coa vida de Osama Ben Laden foi un asasinato e un crime de estado, ademáis dunha violación da soberanía de Paquistán e unha ultraxe ás tradicións e crenzas dos musulmáns. Fidel recorda a oposición histórica da Revolución Cubana ás accións que puideran pór en perigo vidas de civís pois de feito, sendo partidarios da loita contra a tiranía batistiana, os revolucionarios condeaban todo acto violento que implicase risco de morte de persoas inocentes. “Tal conduta, honrada durante máis de medio século, outórganos dereito a expresar opinión sobre un asunto tan delicado”, escrebe o Líder da Revolución. Seguir lendo O asasinato de Ben Laden